“RANGSIZ CHIZGILAR” kitobi haqida qisqacha

Ko‘p yillik izlanishlar hamda shaxsiy xulosalar asosida “Rangsiz Chizgilar” kitobi yaratilmoqda. 11.04.2022 yil, soat  15:49 da kitob yozish ishlari boshlandi hamda haligacha yozilmoqda. 11.04.2023 yil, soat 15:49 da kitob butkul yozib bo‘linadi va nashrga beriladi.
“Rangsiz Chizgilar” muallifi Behruzbek Hamidov

Quyida ushbu kitob nima haqida ekanligi borasida so‘z yuritiladi…

Assalom-u  aleykum  ushbu satrlarni oʻqiyotgan qadrli inson. Shu vaqtga qadar kechirgan hayotim davomida juda koʻp narsalarning guvohi boʻldim. Bu narsalar,  koʻrgan kechirganlarim sizlar uchun muhimmi yoki yoʻqmi buni bilmadim. Bu satrlarni oq qogʻozga chizishimdan maqsad men bu hayotda siz azizlar bilan bir davrda  yashayapman va bir havodan nafas olayapman. Nimaga aynan ushbu chizgilarni rangsiz chizgilar deb atadim, sizga ozroq tushuntirib oʻtsam, sababi har bir insoning qadr-qimmati uning qanchalik aqlli ekanligi hamda qilgan yaxshiliklari bilan oʻlchanadi. Hayotimizda  qoqilgan, yiqilgan paytlarimiz va orzularimizdan voz kechgan paytlarimiz koʻp boʻlgan. Aynan mana shular bizning hayotimizdagi rangsiz chizgilardir.  Xoʻsh, shunday boʻlsa senga nima  ?  Hamma ham xato qiladi, adashadi, koʻzi ochiladi oxirida tavba qilar dersiz. Ha  toʻgʻri, biz oddiy insonmiz xatolar qilamiz,  baʻzan bilib, bazan bilmasdan. Ammo har ikki holat ham xato deyiladi. Va qilgan xatolarimiz ongimizga rangsiz chizgilar bo`lib saqlanadi  va bizni doimiy azoblab keladi.  Har bir insoning koʻnglida bir armoni yoki dardi bor. Mehnat faoliyatim davomida juda koʻp insonlarni koʻrdim. Umr boʻyi insonlarning hatti-harakatlarini, qilayotgan ishlari-yu, qilolmay ishonchsizlik natijasida oʻz orzularidan voz kechib ketayotgan insonlarni koʻp kuzatdim va ular umrlarining oxirigacha koʻngilaridagi  rangsiz chizgilar bilan yashashadi va dunyodan oʻtib ketishadi. Bunday insonlar juda koʻp.

Bu satrlarni qogʻozga tushurishimdan bitta maqsadim bor qadrli oʻquvchi, hayot siz oʻylagandek emas, buning isbotini yuzlab misollar bilan  keltira olaman. Ha  shu vaqtga qadar sizning ongingiz  maxsus siz uchun yasalgan quti ichiga solib qoʻyilgan. Yaʻni qila olmaysan, bu sening ishing emas, bunday boʻlish uchun butun umr kamlik qiladi, sening  joying bu yerda emas. Shunga oʻxshash yuzlab vajlarni eshitgansiz va oʻzingizning orzularingizdan voz kechgansiz. Yoʻq xato men erishganman, udallaganman deyishga shoshilmang. Keling biroz fikr yuritsak,  bir oʻylab koʻring qachon yurakdan ich-ichingizdan baxtiyor boʻlib, oʻzingiz oʻzingizni yoʻqotgansiz. Bilaman bunday holatlar har biringizda boʻlgan. Endi oʻylab koʻringchi ushbu holat nega har kun boʻlmaydi. Shunda men sizga anglatmoqchi  boʻlayotgan rangsiz chizgini tushuna boshlaysiz. Hech shu narsalar haqida oʻylab koʻrganmisiz, qanday qilib har kuni baxtli boʻlish,  bu dunyoning gʻam-tashvishlari bizni va yashab turgan hayotimizni rangsiz qilayotganligi haqida. Hozirda stress koʻrsatkichlari kun sayin oshib bormoqda. Buning sababini axtarib koʻrishingizni maslahat bergan boʻlardim. Hech narsa sababsiz sodir boʻlmaydi. Siz har kuni baxtli yashay olasiz desam shunga, ishonasizmi ?  Ha ishonmassiz ammo buning iloji bor. Agarda hayotingiz kundan kunga yomonlashib, ketayotgan bo`lsa siz buning barcha sabablarini oʻrganib chiqishingiz kerak ! bugunoq, hoziroq. Sizni ishontirib aytishim mumkinki, sizni  Rangsiz chizgilar qamrab olmoqda. Bularning barchasi sizni ichdan yemiradi, tinimsiz azob beradi. Ruhingizni asir qilib, miyangizga o`rnashib boraveradi. Eng baxtli kunda ham o`zingizni baxtsizdek his qilasiz. Nimadandir qo`rqib, xavotirlanib turasiz. Agarda sizda aynan shu holatlar   tez-tez kuzatilayotgan bo`lsa, tezda yashash tarzingizni o`zgartirishingiz kerak. O`zingizni har xil bemani suhbatlar-u, sizni asabiylashtiradigan narsalardan voz kechishingiz kerak. Boshida qiyin bo`ladi. Agarda siz o`zingizni o`zgartirishga kuch topa olsangiz. Siz har kuni baxtiyor uyg`onasiz va hayotning siz o‘ylagandek yomon emas aksincha go`zal qirralarini ko`ra boshlaysiz. Hato ko`chada ko`tarilgan chang to`zon ham sizni kuldira oladi, siz borliq bilan aloqaga kirashasiz hamda uning har bir zarrasida o`zingizning mavjudligingizni  ko`ra boshlaysiz. Bo`lmagan gap deydigan insonlar uchun: Ha siz uchun bo`lmaydi.  Va biz ketayotgan yo`limizda davom etamiz. Barcha narsaning oxiri bor. Shunday ekan bizning  umrimizning ham nihoyasi  mavjuddir. Ana endi o`zimizga bir savol berib ko`raylik ?

Shu  vaqtgacha yashab kelayotgan umrimda, qanday ishlar qilishga ulgirdim-u, nimalarga ulgurmadim,  qancha ishlarim yarim yo`lda qolib ketdi-yu, yana qanchasidan voz kechdim, kimlarga ishonib, kimlarni yoqotdim. Bunaqa chuqur xo`rsintiradigan  rangsiz chizgilar juda ko`p  to`grimi ?

Agarda sizda shunday savollar ko‘plab topilsa, unda ushbu kitob aynan siz uchun ! Ushbu kitob hayotingizni, fikrlaringizni hamda insonlarga bo‘lgan munosabatlaringizni butkul o‘zgartirib yuborishiga aminman ! Cheksiz mehr-muhabbat ila sizning hamdard do‘stingiz.

 Ushbu kitob  bir tamoyilga asoslanib yozilmoqda, u ham bo`lsa hayotimizni o`zgartirish, doimo  yaxshilik qilish hamda bizni qiynab kelayotgan rangsiz chizgilarni yo`q qilish.

Similar Posts

Fikr bildirish

Email manzilingiz chop etilmaydi.

Misolni yeching: 28 − 25 =