1977 yil oktyabr oyida 23 yoshli Uilyam Milligan Kolumbusdagi (AQSh) Ogayo universiteti yaqinida hibsga olindi. U kampusda ikki hafta ichida sodir bo’lgan uchta zo’rlash holatlarida gumon qilingan. Vaziyat juda o‘xshash edi: jinoyatchi kampus yaqinida ayollarni poylab o‘tirgan, ularni qurol bilan kimsasiz hududga olib borgan, zo‘rlagan, keyin esa bankomatga borib, pul yechib olishga majburlagan.

Milliganning kvartirasini tintuv qilish chog‘ida qurol, qo‘l kishanlari, o‘g‘irlangan kredit karta va kiyim-kechak topilgan. Zo’rlashlar ortida uning turganiga shubha yo’q edi. Biroq politsiya hibsga olingan shaxsning aqli rasoligiga shubha bildirgan.

Psixolog bilan suhbatlar shuni ko’rsatdiki, u “nimada ayblanayotgani haqida aniq tasavvurga ega emas. Qolaversa, u o‘z himoyasi uchun advokat bilan bog‘lana olmayapti”. Gazetalar Milliganning savollardan biriga javoban aytgan iborasini oldi: “Billi uxlayapti. Men Devidman.”